DÜNYA


Dünyada bir milyonadək bitki və heyvan növünün kökü kəsilmək üzrədir

Vyana, 25 aprel, AZƏRTAC

Dünyada ekoloji vəziyyətin getdikcə pisləşməsi bitki və heyvan növlərinin sayının sürətlə azalmasına səbəb olur. BMT-nin hesabatına əsasən, yaxın onilliklərdə bir milyonadək bitki və heyvan növünün kökü kəsilə bilər.

AZƏRTAC xəbər verir ki, BMT-nin Biomüxtəliflik və Ekosistem Xidmətləri üzrə Dövlətlərarası Platformasının (IPBES) hazırladığı hesabatda kənd təsərrüfatı, meşələrin qırılması, mədən sənayesi, intensiv balıqçılıq və ovçuluğun növ müxtəlifliyinə böyük zərbə vurduğu qeyd edilib. Hesabatda göstərilir ki, ətraf mühitin çirklənməsi və iqlim dəyişikliyinin də növlərin məhvində böyük payı var.

Ekspertlərin rəyinə görə, hazırda canlıların “kütləvi qırğını” baş verir. Canlıların kütləvi məhvi son 500 milyon ildə artıq beş dəfə baş verib. Budəfəki fəlakətdə isə insan əlinin izləri ön planda dayanır.

Gələn həftə Parisdə beynəlxalq konfrans çərçivəsində təqdim ediləcək hesabatın hazırlanmasında 50-dən artıq ölkədən 150-dən çox ekspert üç il ərzində çalışıb. Hesabat konfransda IPBES-ə qoşulan 130 ölkənin nümayəndələri tərəfindən müzakirə olunacaq və mayın 6-da rəsmi təqdimat mərasimi keçiriləcək.

 

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.