DÜNYA


2020-ci ildə bulud bazarının həcmi 200 milyard dolları ötəcək

Bakı, 16 avqust, AZƏRTAC

“Synergy Research Group” analitik şirkətinin proqnozuna görə, qlobal bulud bazarının həcmi il ərzində təxminən 23-29 faiz artacaq və 2020-ci ildə 200 milyard dolları ötəcək.

AZƏRTAC “dailycomm.ru” saytına istinadən bildirir ki, tədqiqatçıların fikrincə, “IaaS” və “PaaS” ictimai bulud platformaları ən sürətlə inkişaf edən seqmentlərdir. Bu platformalardan əldə olunan gəlir illik 29 faiz artacaq.

İdarəolunan fərdi bulud xidmətlərinin satışından əldə edilən gəlir 24 faiz, korporativ SaaS həllər seqmentinin gəliri isə 23 faiz artacaq.

Bulud hesablamalarına artan tələbat sayəsində bulud məlumat mərkəzləri üçün hiper miqyaslı infrastruktur tədarükçülərinin gəliri illik 11 faiz artacaq. Bu halda korporativ məlumat mərkəzləri üçün avadanlıq və proqram təminatının satış həcmi azalmağa (ildə 2 faiz) davam edəcək ki, bu da lokal sistemlərdəki yüklənmələrin ictimai bulud platformalarına keçirilməsi tendensiyasının inkişafını göstərir.

Bulud xidmətləri üzrə bütün əsas kateqoriyalarda intensiv artım qeydə alınacaq. Verilənlər bazası və əşyalar internetinə hədəflənmiş “IaaS” və “PaaS” xidmətlər arasında ən yüksək dinamika gözlənilir. Analitiklər Asiya-Sakit okean regionunu ən sürətlə inkişaf edən bulud bazarı adlandırırlar. Növbəti yerləri artım tempinə görə EMEA (Avropa, Yaxın Şərq, Afrika) və Şimali Amerika tutur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.