DÜNYA


ABŞ-ın neft ehtiyatları azalıb

Bakı, 29 dekabr, AZƏRTAC

Birləşmiş Ştatların neft ehtiyatları geriləyib.

AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ABŞ-ın xam neft ehtiyatları ötən hesabat həftəsində 46 min barrel (0,01 faiz) azalaraq 441,4 milyon barrel olub. Bazar proqnozları ehtiyatların 2,9 milyon barrel azalacağı istiqamətində idi. Əvvəlki həftə ölkənin neft ehtiyatları 500 min barrel azalmışdı.

ABŞ-ın strateji neft ehtiyatları isə keçən həftə əvvəlki həftə ilə müqayisədə dəyişməyərək 649,1 milyon barrel təşkil edib.

Ölkənin benzin ehtiyatları hesabat dövründə 3 milyon barrel (1,3 faiz) artaraq 233,1 milyon barrelə çatıb. Bazar proqnozları ehtiyatların 28 min barrel çoxalacağı istiqamətində idi. Əvvəlki həftə benzin ehtiyatları 1,8 milyon barrel artmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.