REGİONLAR


Ağdam məktəbləri üçün quraşdırılan modul tipli binalar tezliklə istifadəyə veriləcək

Ağdam, 7 fevral, AZƏRTAC

Son illərdə respubikamızda ənənəvi məktəb binalarının inşası ilə yanaşı, modul tipli məktəb binaları da quraşdırılır. Modul tipli məktəblərin üstünlüyü onların azməsrəfli olması, qısa müddət ərzində istənilən relyefdə quraşdırılması, asan daşınması, sinif otaqlarının sayının şagirdlərin sayına uyğun olaraq rahatlıqla azaldılıb-artırılmasıdır. Modul tipli məktəblərin tikintisində əsasən yerli istehsal məhsullarından istifadə edilir.

AZƏRTAC-ın bölgə müxbiri xəbər verir ki, tezliklə Ağdam şəhər 65 və 85 nömrəli tam orta məktəbləri üçün quraşdırılan modul tipli binalar müəllim və şagirdlərin istifadəsinə veriləcək. Prezident İlham Əliyevin “Ağdam, Laçın, Füzuli və Tərtər rayonlarında təhsil infrastrukturunun inkişafı ilə əlaqədar tədbirlər haqqında” 2018-ci il 16 fevral tarixli Sərəncamı ilə Ağdam şəhər 85 nömrəli tam orta məktəb üçün quraşdırılan bina 96 şagird yerlikdir. Artıq on bir sinif və bir müəllimlər otağından, kitabxana və sanitar qovşaqdan ibarət binada tikinti-quraşdırma işləri başa çatıb. Məktəb müasir avadanlıqlar və mərkəzləşdirilmiş istilik sistemi ilə təmin edilib. Bərdə şəhərində yerləşən Ağdam şəhər 65 nömrəli tam orta məktəb üçün modul tipli binada da tikinti-quraşdırma işləri başa çatmaq üzrədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.