REGİONLAR


Ağdaşda bir nəfərin ölümü ilə nəticələnən yol-nəqliyyat hadisəsi baş verib

Ağdaş, 24 may, AZƏRTAC

Ağdaş rayonunda bir nəfərin ölümü ilə nəticələnən ağır yol-nəqliyyat hadisəsi baş verib.

AZƏRTAC-ın bölgə müxbiri bildirir ki, hadisə mayın 24-də günortaya yaxın Bakı-Şamaxı-Yevlax magistral yolunun 227-ci kilometrində, Xosrov kəndi ərazisində qeydə alınıb. Belə ki, rayonun Aralbir kənd sakini, 1977-ci il təvəllüdlü Gərayev Niyaz Nizam oğlu idarə etdiyi “VAZ 21011” markalı minik avtomobilində hərəkətdə olarkən idarəetməni itirib və avtomobil yoldan çıxaraq ağaca çırpılıb. Qəza nəticəsində avtomobil iki hissəyə bölünüb. Sürücü hadisə yerində dünyasını dəyişib.

Hüquq-mühafizə orqanlarının əməkdaşları hadisə yerinə gəlib, faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.