CƏMİYYƏT


Aksiz markasız spirtli içkilər aşkarlanıb

Bakı, 10 noyabr, AZƏRTAC

Aksiz markasız spirtli içkilər aşkarlanıb.

Dövlət Gömrük Komitəsinin mətbuat və ictimaiyyətlə əlaqələr idarəsindən AZƏRTAC-a bildirilib ki, Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyatlar şöbəsinə “VAZ 21074” markalı avtomobildə aksiz markasız spirtli içkilərin olduğu barədə məlumat daxil olub.

Məlumat əsasında, nəqliyyat vasitəsi Gəncə şəhəri istiqamətinə hərəkət edərkən gömrükçülər tərəfindən saxlanılıb. Avtomobilin yük yerinə və salonuna ilkin baxış keçirilən zaman orada sellofan torbalarda spirtli içkilər olduğu müəyyən edilib. Ətraflı baxış keçirilməsi üçün avtomobil Qərb Ərazi Baş Gömrük İdarəsinə gətirilib.

Yoxlama zamanı avtomobilin yük yerində sellofan torbaların içərisində üzərində aksiz markası olmayan, 1 litrlik ölçülərdə 44 ədəd “Nemirovskaya”, 12 ədəd “Nemiroff (Wheat)”, 8 ədəd “Nemiroff (Birch)”, 4 ədəd “Nemiroff (Honey Pepper)”, 7 ədəd “Xlebnıy Dar”, 4 ədəd “Royal Park”, 4 ədəd “Claymore”, 4 ədəd “MacArthurs”, 4 ədəd “Black Ram”, 2 ədəd “King Robert”, 2 ədəd “JoAN Barr”, 2 ədəd “Heaven/Hill”, 2 ədəd “Ballantines”, 0,5 litrlik ölçülərdə 2 ədəd “Jagermeister”, 7 ədəd “Nemiroff (original)”, 200 millilitrlik ölçülərdə 6 ədəd “Black Ram”, 6 ədəd “Red Label”, 3 litrlik ölçülərdə 2 ədəd “Kindzmarauli”, 5 litrlik ölçülərdə isə 2 ədəd “Kindzmarauli” adlı spirtli içkilər aşkarlanıb.

Faktla bağla araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.