CƏMİYYƏT


Albir Krqanov: Azərbaycan dinlərarası dialoq layihəsini böyük müvəffəqiyyətlə həyata keçirir

Madrid, 5 noyabr, AZƏRTAC

Azərbaycan bir neçə ildir dinlərarası dialoq layihəsini böyük müvəffəqiyyətlə həyata keçirir. Bu layihə həm unikal, həm də faydalıdır.

Bu sözləri Madriddə keçirilən “Dinlərarası dialoqun sülhə və qarşılıqlı anlaşmaya töhfəsi” mövzusunda beynəlxalq konfransda Rusiya Müsəlmanları Ruhani Məclisinin müftisi, RF İctimai Palatasının üzvü Albir Krqanov AZƏRTAC-a müsahibəsində söyləyib.

O deyib ki, hazırda əsas etibarilə dini rəmzlərlə müşayiət olunan yeni çağırışları və yeni təhdidləri müşahidə etdiyimiz bir vaxtda etiqadın və dinin əsaslarını vətəndaşlarımıza izah etməliyik.

A.Krqanov diqqətə çatdırıb ki, sovet dövründə bu cür tədbirlər partiyanın tapşırığı ilə keçirilirdi. Amma bu gün Azərbaycanın bu sahədə gördüyü işləri ictimai qurumların, dini təşkilatların hakimiyyət orqanları tərəfindən dəstəklənən təşəbbüsü adlandırardım.

Rusiya Müsəlmanları Ruhani Məclisinin müftisi deyib: “Bu tədbir Azərbaycanın müxtəlif dövlətlərdə keçirdiyi tədbirlərdə mənim heç də ilk iştirakım deyildir. Mən hər dəfə müasir problemlərin sosial zəmində həlli üçün məkan olan bu cür tədbirlərə böyük marağın şahidi oluram.

Belə tədbirlərin təşkili dövlətin dayanıqlı inkişafının göstəricisidir. Dövlət nə qədər dinamik inkişaf edirsə, bir o qədər çox dialoq qurur, müxtəlif mədəniyyətlərlə, dinlərlə ünsiyyətə girməkdən çəkinmir. Bu, sivilizasiyalararası dialoqdur. Bu gün beynəlxalq konfransda da söhbət bu barədə gedib. Bu da Azərbaycan hakimiyyətinin kamilliyini təsdiq edir”.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.