CƏMİYYƏT


Almaniya qəzeti Mina Təyinetmə Fondunun Azərbaycanda həyata keçirdiyi layihədən yazır

Berlin, 14 iyun, AZƏRTAC

Almaniyanın “FreiePresse” qəzetində "Oyunlar və super qəhrəmanlar uşaqları minalardan xəbərdar etməlidirlər" adlı məqalə dərc edilib.

Məqalədə keçmiş idmançı Nils Hegelin dostları ilə birlikdə minalarla mübarizə aparmaq məqsədilə Mina Təyinetmə Fondu təsis etdikləri və Fondun Azərbaycanda pilot layihə həyata keçirdiyi bildirilir. N.Hegelin Azərbaycanda uğurlu görüşlər keçirdiyi və minalanmış ərazilərdə yaşayan uşaqları maarifləndirmək, habelə tədris materialları işləyib hazırlamaq barədə razılığa gəlindiyi nəzərə çatdırılır. Təşkilatın tədris konsepsiyasının gələcəkdə uşaqların təhsil proqramına daxil edilməsinin planlaşdırıldığı qeyd olunur. Fondun xüsusi oyunlar, komikslər və super qəhrəmanlar vasitəsilə uşaqları minalar və onların təhlükəsi barədə məlumatlandırdığı vurğulanır.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.