DÜNYA


“Amazon” şirkəti koronavirusla bağlı vəziyyətdən sui-istifadə etməkdə təqsirləndirilir

Vaşinqton, 12 sentyabr, AZƏRTAC

Onlayn-müşahidəçilər qrupu “Amazon” şirkətini COVID-19 pandemiyası dövründə birbaşa istehlakçılara satılan ilkin tələbat malları, o cümlədən maska və tualet kağızı üzərinə qoyulan qiymətlərin artırılmasında təqsirləndirir. Şirkətin nümayəndələri isə, öz növbəsində, məhsulların satışı üçün “Amazon” platformasından istifadə edən müstəqil satıcıları eyni əməldə günahlandırırlar.

AZƏRTAC istehlakçıların hüquqları üzrə “Public Citizen” Amerika təşkilatının hesabatına istinadla xəbər verir ki, “Amazon” şirkəti undan tutmuş əl üçün dezinfeksiyaedici vasitələr və üz üçün maskayadək 10 əsas məhsulun qiymətini tam 1010 faiz artırıb. Qiymət artımı cari ilin fevralından avqustun ortalarınadək baş verib. “Public Citizen” təşkilatı tərəfindən nəzərdən keçirilən bütün məhsulların üzərində müstəqil istehlakçılar tərəfindən deyil, “Amazon tərəfindən satılıb” sözləri qeyd edilib.

“Public Citizen” təşkilatının müşahidəsinə görə, nəticələr “Amazon”un “pandemiyanın qızğın çağında, istehlakçıların kütləvi şəkildə ərzaq məhsulları və ilkin tələbat malları aldığı bir vaxtda daxili tədarükçülər onun saytında qiymətlərin artımında məsuliyyət daşıyırlar” kimi iddiası ilə ziddiyyət təşkil edir.

“Public Citizen” təşkilatının hesabatına görə, koronavirusun yayılmasına nəzarət üçün vacib hesab edilən 50 birdəfəlik maskadan ibarət qablaşdırmanın qiyməti 1000 faiz qaldırılıb. Bu qablaşdırmalar yaz aylarında 40 dollara satışa çıxarılmışdı, halbuki pandemiya başlananadək onun dəyəri cəmi 4 dollar idi. Həmçinin tualet kağızının da qiyməti 528 faiz artırılıb. Pandemiyadan əvvəl 7 dollar dəyəri olan bu məhsul 37 dollara satılıb. Sentyabrda ilkin tələbat mallarının dəyəri aşağı düşməyə başlayıb.

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.