DÜNYA


Angela Merkeli Drezdendə çox soyuq qarşılayıblar

Berlin, 10 sentyabr, AZƏRTAC

Almaniyanın Federal kansleri Angela Merkelin bu vəzifədə Saksoniyanın paytaxtına sonuncu səfəri zamanı Drezden sakinləri onu fitə basıb və “Çıx get!” sözləri ilə qarşılayıblar.

AZƏRTAC xəbər verir ki, Merkel Drezdendə Saksoniya hökmdarlarının tarixi iqamətgahı yerləşən Svinqerə gələndə bu siyasətçidən narazı şəhər sakinləri onu fitə basıblar. Əllərində plakatlar tutmuş insanlar teatr meydanında sıraya düzülüblər. Bu rayon mühasirəyə alınıb, insanlar maneələrin yanında bir-birindən uzadılmış əl qədər məsafədə dayanıblar.

Merkel Svinqerdə Niderlandın baş naziri Mark Ryutte ilə birlikdə holland rəssamı Yohannes Vermeyerin sərgisinə baxmağı qərara alıb. Siyasətçilər daha sonra “Albertinum” təsviri sənət muzeyinə qədər piyada getmək istəyiblər, lakin sakinlər tərəfindən belə soyuq qarşılanmadan sonra planlarını dəyişərək avtomobildən istifadə etməli olublar.

Vüqar Seyidov

AZƏRTAC-ın xüsusi müxbiri

Berlin 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.