Bakı, 26 noyabr (AZƏRTAC). İlin əvvəlindən indiyədək AtaBank tərəfindən 106 ipoteka krediti verilmişdir.

Bankın mətbuat xidmətindən AZƏRTAC-a bildirmişlər ki, həm güzəştli, həm də adi şərtlərlə verilən kreditlərin məbləği 4 milyon 260 min manatdan çoxdur. Orta müddəti 25 il olan ipoteka kreditləri ilə alınan evlərin orta dəyəri 65 min manat təşkil etmişdir.

AtaBank müvəkkil banklar sırasına qoşulandan 487-dən artıq ipoteka krediti vermişdir ki, bunun da 398 -dən çoxu adi, 89-dən artığı isə güzəştli ipotekadır.