DÜNYA


Avropa İttifaqında yay vaxtına keçid praktikasının ləğvi barədə müzakirələr aparılıb

Berlin, 7 mart, AZƏRTAC 

İldə iki dəfə - qış vaxtından yaya və əksinə saat əqrəblərinin çəkilməsi insanların sağlamlığı, xüsusən də yaşlılar və uşaqlar üçün çox pis nəticələnir.

AZƏRTAC xəbər verir ki, bu günlərdə Avropa Parlamentinin tribunasından bu cür fikirlər səslənib. Deputatlar bildiriblər ki, əgər saat əqrəblərinin çəkilməsi ilə üzv dövlətlər arasında ziddiyyət yaranarsa, o zaman çoxsaylı fəaliyyət sahələrinin yenidən uyğunlaşdırılmasına çox vaxt lazım olacaq və bu, 2021-ci ildən tez başa çatmayacaq. Avropa Parlamenti elmi tədqiqatlara istinadla qətnamədə qeyd edir ki, xüsusən kənd təsərrüfatı və yol hərəkəti təhlükəsizliyi baxımından bu praktikanın mənfi nəticələri daha çoxdur.

Həmçinin bildirilir ki, Avropa Komissiyası rəyi soruşulanların 84 faizinin qış və yay vaxtına keçidlə bağlı saat əqrəblərinin çəkilməsinin ləğvinə tərəfdar olmasına istinad edərək, artıq bu ilin aprelindən illik yay vaxtına keçidin ləğv olunmasını təklif edib.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.