MƏDƏNİYYƏT


Azərbaycan Rəngkarlıq Muzeyində gənclər üçün ustad dərsləri keçiriləcək

Bakı, 14 iyun, AZƏRTAC

İyunun 16-dan Azərbaycan Rəngkarlıq Muzeyində rəssamlığa həvəsi olan 16 yaşdan yuxarı gənclər üçün “Özünü kəşf et” adlı ustad dərslərinə start verəcək.

AZƏRTAC xəbər verir ki, ilk dərs Gülarə İsrafilzadənin rəhbərliyi ilə mənzərə mövzusuna həsr ediləcək. Bundan başqa, iyunun 23-də Gülnarə Ələkbərlinin rəhbərliyi ilə “Linoqravüra”, 30-da isə Museyib Əmirovun rəhbərliyi ilə “Bakı– Mənim şəhərim" adlı dərslər keçiriləcək.

Təcrübəsindən asılı olmayaraq hər kəs dərslərdə iştirak edə bilər. Bütün ləvazimatlar muzey tərəfindən qarşılanır.

Yerlər məhdud olduğundan qeydiyyatdan keçmək zəruridir. Qeydiyyat çərşənbə axşamı – bazar günü saat 12:00-dan 20:00-dək aparılır.

Ustad dərsləri ödənişsizdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.