İQTİSADİYYAT


Azərbaycan-Rusiya İşgüzar Şurasının qarşıdakı dövrdə fəaliyyət istiqamətlərinə dair müzakirələr aparılıb

Bakı, 13 sentyabr, AZƏRTAC

İqtisadiyyat naziri Şahin Mustafayev Azərbaycan-Rusiya İşgüzar Şurasının idarə heyətinin üzvləri ilə görüşüb.

İqtisadiyyat Nazirliyinin mətbuat xidmətindən AZƏRTAC-a bildirilib ki, nazir Azərbaycan-Rusiya İşgüzar Şurasının fəaliyyətini müsbət qiymətləndirərək iki ölkənin işgüzar dairələri arasında əməkdaşlığın genişləndirilməsində şuranın gördüyü işlərin əhəmiyyətini vurğulayıb.

Azərbaycan-Rusiya İşgüzar Şurasının idarə heyətinin sədri Səməd Qurbanov çıxış edərək iki ölkə sahibkarları arasında əlaqələrin daha da möhkəmləndirilməsi istiqamətində həyata keçirilən tədbirlərdən bəhs edib. Qeyd olunub ki, ötən ilin avqustunda şuranın strukturu və iş formatı tam olaraq yenilənib.

Bildirilib ki, kənd təsərrüfatı, nəqliyyat-logistika, sənaye, turizm, maliyyə və İKT kimi iqtisadiyyatın müxtəlif sahələrində şuranın fəaliyyəti bundan sonra daha geniş olaraq davam etdiriləcək.

İclasda Azərbaycan-Rusiya İşgüzar Şurasının ötən bir ildəki fəaliyyəti və qarşıdakı dövrdə fəaliyyət istiqamətləri barədə müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.