MƏDƏNİYYƏT


Azərbaycan Televiziyası “100 ilin adamı” layihəsinə start verir

Bakı, 17 sentyabr, AZƏRTAC 

Gənclər və İdman Nazirliyinin dəstəyi ilə “Brend media” şirkətinin hazırladığı verilişdə ötən yüzillikdə ölkəmizin ictimai-siyasi, iqtisadi, ədəbi və mədəni həyatında önəmli rol oynamış şəxsiyyətlərin həyatından bəhs ediləcək.

AZƏRTAC xəbər verir ki, “100 ilin adamı” layihəsinin müəllifi və aparıcısı “Addım” gənclər təşkilatının rəhbəri Hüseyn Cavadzadədir.

Layihə çərçivəsində yaradıcı qrup Almaniya, İtaliya, Polşa, Türkiyə, Rusiya və başqa ölkələrdə xüsusi çəkilişlər edib, Məhəmməd Əmin Rəsulzadə, Banin, Əlimərdan bəy Topçubaşov, Fətəli xan Xoyski, Fərman Salmanov, Robert Osseyn, Qurban Səid və onlarla məşhur azərbaycanlının irsini axtarıb.

Bundan başqa, layihənin komandası həmin şəxslərin varisləri ilə görüşüb, yaşadıqları məkanları ilk dəfə olaraq ekrana gətiriblər.

Layihənin sentyabrın sonunda AzTV-də yayımlanması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.