Azərbaycan çempionatlarında növbəti oyunların keçirilmə vaxtı dəqiqləşib

Bakı, 8 fevral, AZƏRTAC

Qadın və kişi voleybolçular arasında Azərbaycan çempionatlarında növbəti oyunların keçirilmə vaxtı dəqiqləşib.

AZƏRTAC Azərbaycan Voleybol Federasiyasına istinadla xəbər verir ki, qadınlar arasında Yüksək Liqada ikinci dövrənin son turu fevralın 9-da keçiriləcək. Dördüncü turun ilk qarşılaşması “Abşeron” - “Murov” komandaları arasında olacaq. Görüş saat 16:00-da başlanacaq. Saat 18:00-da start götürəcək ikinci matçda isə UNEC və “Azərreyl” klubları üz-üzə gələcəklər.

Kişilər arasında Yüksək Liqada altıncı turun matçları isə fevralın 10-da oynanılacaq. Həmin gün ilk olaraq saat 16:00-da MOİK - “Neftçi” komandaları münasibətlərə aydınlıq gətirəcəklər. İkinci dövrənin son matçında isə “Xarı bülbül” klubu “Murov”la qarşılaşacaq. Görüş saat 18:00-da başlayacaq.

Qeyd edək ki, qarşılaşmalar Voleybol Mərkəzində təşkil olunacaq.