İDMAN


Azərbaycan cüdoçuları “Böyük dəbilqə” turnirində bir qızıl və iki bürünc medal qazanıblar

Qızıl medalı millimizin aktivinə Hidayət Heydərov yazdırıb

Bakı, 11 may, AZƏRTAC

Ümummilli lider Heydər Əliyevin xatirəsinə həsr olunan “Böyük dəbilqə” beynəlxalq turnirinin ikinci günündə - mayın 11-də Azərbaycan cüdoçuları bir qızıl və iki bürünc medal qazanıblar.

AZƏRTAC xəbər verir ki, qızıl medalı ölkəmizin aktivinə 73 kiloqram çəki dərəcəsində mübarizə aparan Hidayət Heydərov yazdırıb. Finala gedən yolda özbəkistanlı Obidxon Nomonov, Macarıstan təmsilçisi Friqiyes Zaboyu, rusiyalı Dmitri Yartsevi məğlub edən idmançımız yarımfinalda komanda yoldaşı Rüstəm Orucova qalib gələrək finala yüksəlib. İdmançımız həlledici görüşdə israilli Tohar Butbulu məğlub edərək “Böyük dəbilqə” turnirinin qalibi olub.

R.Orucov isə üçüncü yer uğrunda görüşdə Kosovo təmsilçisi Akil Qjakova qalib gələrək bürünc medala layiq görülüb.

Eyni çəki dərəcəsində daha bir idmançımız Telman Vəliyev bürünc medal qazanıb. Həlledici qarşılaşmada o, rusiyalı Denis Yartsevə qalib gəlib.

Mayın 12-də yekun vurulacaq nüfuzlu yarışda 57 ölkədən 449 cüdoçu gücünü sınayır. Azərbaycan bu turnirdə 43 idmançı (28 oğlan, 15 qız) ilə təmsil olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.