İDMAN


Azərbaycan sandaçıları dünya çempionatında üç qızıl medal qazanıblar

Bakı, 5 noyabr, AZƏRTAC

İtaliyanın Karrara şəhərində keçirilən döyüş növləri üzrə dünya çempionatına yekun vurulub.

AZƏRTAC xəbər verir ki, çempionatda ölkəmizi 12 idmançı təmsil edib.

Mundialda Azərbaycan Respublikası Daxili İşlər Nazirliyinin İdman Cəmiyyətinin 3 idmançısı mükafatçılar sırasında yer alıb. Sanda döyüşlərində böyüklərin mübarizəsində 56 kiloqram çəki dərəcəsində yarışan üçqat Avropa çempionu, “Bakı-2017” IV İslam Həmrəyliyi Oyunlarının gümüş mükafatçısı Elçin Eminov bütün rəqiblərinə qalib gələrək fəxri kürsünün ən yüksək pilləsinə qalxıb.

Böyüklərin mübarizəsində 65 kiloqram çəkidə Atilla Həsənsoy da uğurla çıxış edərək qızıl medala sahib olub.

Çempionatda 14-15 yaşlı idmançıların yarışında Fətəli İsmayılov (56 kq) bütün görüşlərini qələbə ilə başa vuraraq ikiqat dünya çempionu adını qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.