SİYASƏT


Azərbaycanın Braziliyadakı səfiri Qoyas Katolik Universitetində ölkəmizin regionda roluna dair mühazirə oxuyub

Bakı, 10 sentyabr, AZƏRTAC 

Sentyabrın 9-da Azərbaycanın Braziliyadakı səfiri Elxan Poluxov bu ölkənin Qoyas ştatına səfəri çərçivəsində Qoyas Katolik Universitetinin Beynəlxalq əlaqələr fakültəsinin müəllim və tələbə heyətinə Azərbaycan və onun regionda roluna dair mühazirə oxuyub.

Səfirlikdən AZƏRTAC-a bildirilib ki, ölkəmizin keçdiyi uğurlu yol, ölkə rəhbərliyi tərəfindən aparılan islahatlar, Ermənistan - Azərbaycan Dağlıq Qarabağ münaqişəsi, xüsusilə cəbhə xəttində iyul hadisələri zamanı ermənilər tərəfindən törədilən təxribatlar, mövcud Azərbaycan – Braziliya münasibətləri haqqında ətraflı məlumatlar mühazirədə iştirak edən 100-dən artıq iştirakçının diqqətinə çatdırılıb. Sonda iştirakçılara məlumat materialları ilə yanaşı, sertifikatlar təqdim edilib.

Qeyd dək ki, bu tədbir universitetdə oktyabr – noyabr aylarında nəzərdə tutulan mühazirələr silsiləsinin ilk hissəsidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.