İDMAN


Azərbaycanın qadın voleybolçulardan ibarət komandası dünya çempionatının final mərhələsinə vəsiqə qazanıb

Bakı, 3 iyun, AZƏRTAC

İyunun 3-də Bakı İdman Sarayında qadın voleybol komandaları arasında dünya çempionatının seçmə mərhələsində Hollandiya ilə qarşılaşan Azərbaycan millisi gərgin və maraqlı keçən qarşılaşmadan qalib ayrılıb.

AZƏRTAC xəbər verir ki, komandamız hər üç setdə inamlı oyun nümayiş etdirərək "quru" hesabla rəqibini məğlub edib. Matçın ilk hissəsində azarkeşlər gərgin oyunun şahidi olublar. Əzmkarlıq nümayiş etdirən voleybolçularımız 30:28 hesablı qələbəyə seviniblər. İkinci setdə də rəqibinə şans verməyən komandamız 25:22 hesabı ilə üstün olub. Üçüncü hissədə isə böyük hesabla (25:13) qalib gələn Azərbaycan yığması qrup lideri kimi dünya çempionatının final mərhələsinə yüksəlib. Hollandiya millisi isə play-off mərhələsində mübarizə aparacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.