REGİONLAR


“Azəriqaz”ın rəhbərliyi Lənkəranda vətəndaşlarla görüşüb

Bakı, 2 dekabr, AZƏRTAC

“Azəriqaz” İB-nin baş direktorunun satış üzrə müavini Rəşad Cavadov bu dəfə Lənkəran şəhərində vətəndaşlarla görüş keçirərək onların problemləri ilə maraqlanıb.

İB-dən AZƏRTAC-a bildirilib ki, çıxış edən vətəndaşlar bir sıra məsələlərdə onlara köməklik edilməsini xahiş ediblər. Masallı rayonu, Rüdəkəran kənd sakini Əhliman Hidayətov sözü gedən kənddə uzun illərdir ki, mavi yanacağın olmadığını bildirərək kəndin qazlaşdırılmasını xahiş edib. Lənkəran Şəhər Mədəniyyət Evinin direktoru Hafiz Mirzə təbii qazın təzyiqi ilə bağlı problemin olduğunu deyib. Birliyin əməkdaşları qaz tənzimləyici şkafa baxış keçiriblər və mövcud məsələ yerindəcə araşdırılaraq məlumat verilib. Digər müraciət Lənkəran rayon sakini Rahab Nəzəroğlu tərəfindən ünvanlanıb. O, yaşadığı binada təbii qazdan istifadə edə bilmədiyini söyləyib. Vətəndaşa müvafiq sənədlərin təqdim edilməsi ilə bağlı məlumat verilib.

Görüşə Birlik rəhbərliyi ilə yanaşı, Lənkəran Rayon İcra Hakimiyyətinin, həmçinin Kiçik və Orta Biznesin İnkişafı Agentliyinin məsul şəxsləri də qatılıblar.

Qeyd edək ki, bu, “Açıq mikrofon” aksiyası çərçivəsində “Azəriqaz” İB rəhbərliyinin vətəndaşlarla sayca 32-ci görüşüdür.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.