İDMAN


BOK-da insan haqları üzrə məsləhət komitəsi yaradılacaq

Bakı, 1 dekabr, AZƏRTAC 

Beynəlxalq Olimpiya Komitəsi (BOK) insan haqları üzrə xüsusi məsləhət komitəsi yaradır. Bunu təşkilatın İcraiyyə Komitəsinin iclasının yekunlarına dair mətbuat konfransında BOK prezidenti Tomas Bax bəyan edib.

T.Bax deyib: “Bu gün biz insan haqları üzrə xüsusi məsləhət komitəsinin yaradılması barədə çox mühüm qərar qəbul etdik. Komitəyə əvvəllər BMT-nin insan haqları üzrə ali komissarı vəzifəsində çalışmış şahzadə Zeyd Raad əl-Hüseyn rəhbərlik edəcək”.

BOK prezidentinin sözlərinə görə, yeni komitənin tərkibinə idman və insan haqları üzrə 6-9 ekspert daxil olacaq. Yeni struktur bilavasitə BOK İcraiyyə Komitəsinə hesabat verəcək.

Bax, həmçinin bildirib ki, Tokioda keçirilən BOK İcraiyyə Komitəsinin iclasında insan haqları üzrə xüsusi məsləhət komitəsinin yaradılması kontekstində transgender idmançılarla bağlı məsələ də müzakirə olunub. “BOK və Olimpiya hərəkatı bu sahədə çox mürəkkəb problemləri həll etməlidir” deyən təşkilatın rəhbəri ümidvar olduğunu bildirib ki, məhz yeni yaradılan komitə onların həllinə yardımçı olacaq.

BOK prezidenti vurğulayıb ki, komitə məhz idman yarışları kontekstində insan haqlarının qorunmasına cavabdeh olacaq. “Məlumdur ki, bizim idman tədbirləri çərçivəsinin xaricində meydana çıxan problemlərin həlli üçün səlahiyyətimiz yoxdur. Bu problemlər çox vaxt siyasi xarakter daşıyır”, -deyə T.Bax məsələyə aydınlıq gətirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.