REGİONLAR


Balakən rayonunun Qazma kəndində uşaq bağçası əsaslı təmirdən sonra istifadəyə verilib

Balakən, 22 sentyabr, Mustafa Dadaşov, AZƏRTAC

Balakən rayonunun Qazma kəndindəki 2 nömrəli körpələr evi-uşaq bağçası əsaslı təmirdən sonra yenidən balacaların istifadəsinə verilib.

AZƏRTAC xəbər verir ki, bu münasibətlə keçirilən mərasimdə son illər rayonda məktəbəqədər təhsil müəssisələrinin maddi-texniki bazasının möhkəmləndirilməsi istiqamətində görülən işlərdən bəhs edilib. Bildirilib ki, ötən illərdə Balakəndə 5 yeni uşaq bağçası tikilib, daha 5 bağça əsaslı təmir olunub. Hazırda rayon mərkəzində və kəndlərdə 25 bağça fəaliyyət göstərir.

Sonra tədbir iştirakçıları bağçada yaradılan şəraitlə tanış olublar. Yerli büdcə vəsaiti hesabına təmir olunan 35 yerlik iki qruplu uşaq bağçası zəruri inventar və avadanlıqla, həmçinin yumşaq yataq dəsti, otaq və mətbəx mebelləri ilə təmin olunub, həyəti abadlaşdırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.