DÜNYA


Bəhram Qasemi: Yeni sanksiyalar ABŞ-ın İran xalqına qarşı düşmənçiliyinin göstəricisidir

Tehran, 18 sentyabr, AZƏRTAC

ABŞ-ın İrana qarşı tətbiq etdiyi yeni sanksiyalar rəsmi Vaşinqtonun beynəlxalq hüquqa və normalara aşkar şəkildə hörmətsizliyini göstərir.

AZƏRTAC xəbər verir ki, bu sözləri keçirdiyi mətbuat konfransında İranın Xarici işlər Nazirliyinin rəsmi nümayəndəsi Bəhram Qasemi deyib. Yeni sanksiyalar ABŞ-ın İran xalqına qarşı düşmənçiliyinin göstəricisidir.

B.Qasemi diqqətə çatdırıb ki, BMT-nin Beynəlxalq Ədalət Məhkəməsinin qərarına məhəl qoymayan ABŞ vəziyyəti gərginləşdirməkdə davam edir. Halbuki, məhkəmənin qərarına əsasən ABŞ vəziyyəti gərginləşdirəcək addımlardan çəkinməlidir.

Qeyd olunub ki, ABŞ-ın beynəlxalq qanunlara əhəmiyyət verməməsi yalnız İran xalqı üçün deyil, bütün dünya üçün təhdiddir. Başqa dövlətləri İranla əlaqə saxladıqlarına görə hədələyən rəsmi Vaşinqtonun addımları dünya üçün təhlükəlidir.

Xatırladaq ki, ABŞ oktyabrın 18-də İranın şirkət və banklarından ibarət ümumilikdə 20 qurumuna qarşı sanksiyalar tətbiq edib və qurumların adı ABŞ-ın sanksiyalar siyahısına əlavə edib. Bu təşkilatlar terroru dəstəkləməkdə təqsirləndirilirlər.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.