MƏDƏNİYYƏT


Berlində Azərbaycanın mədəniyyət axşamı keçirilib

Bakı, 7 mart, AZƏRTAC

Turizmin inkişafında mədəniyyətlərin ünsiyyətinin rolu vacibdir. Bu sözləri Azərbaycan Turizm Bürosunun baş icraçı direktoru Florian Zenqstşmid martın 7-də “İTB Berlin 2019” turizm sərgisi çərçivəsində təşkil olunan Azərbaycan mədəniyyəti axşamı tədbirinin açılışında deyib.

Dövlət Turizm Agentliyindən AZƏRTAC-a bildirilib ki, Almaniyanın ən böyük turizm və səyahət şirkətlərinin nümayəndələri, turizm üzrə bloger və influenserler iştirak etdiyi gecədə Azərbaycan musiqisinin tanıtımı məqsədilə milli musiqilərdən ibarət kompozisiyalar tarda qonaqlara təqdim olunub, həmçinin bəstəkar və pianoçu İsfar Sarabski çıxış edib.

Tədbirdə fotoqraf Orxan Aslanovun “Mənim Azərbaycanım“ adlı fotosərgisi çərçivəsində ölkəmizin görməli yerləri nümayiş etdirilib.

Azərbaycanın Almaniyadakı səfiri Ramin Həsənov tədbirdə çıxış edərək Azərbaycanın turizm potensialının zənginliyi haqqında danışıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.