İDMAN


Builki Formula 1 Azərbaycan Qran-Prisi ilə əlaqədar 2445 marşal müraciət edib

Bakı, 16 fevral, AZƏRTAC

Fevralın 16-da Bakıda Formula 1 Azərbaycan Qran-Prisinin marşallarının görüşü keçirilib.

AZƏRTAC xəbər verir ki, görüşdə ötən ilin yekunları, 1300 marşal üçün fevralın əvvəlində start verilən təlim planı, yeni mövsüm üçün Formula 1 yarışlarının reqlamentində edilmiş dəyişikliklər müzakirə olunub. Həmçinin yarış həftə sonunun icra planı barədə fikir mübadiləsi aparılıb.

Yüzdən artıq marşalın iştirak etdiyi görüşdə qeyd olunub ki, 2016-cı ildə təlimlər xarici mütəxəssislər tərəfindən aparılsa da, 2017-ci ildən bu tipli tədbirlər yerli marşallar tərəfindən keçirilir.

“Bakı Şəhər Halqası” Əməliyyat Şirkətinin (BŞH) əməliyyatlar şöbəsinin və Bakı Marşal Klubunun rəhbəri Çingiz Mehdiyev bildirib ki, üç il ərzində marşallar üçün yaradılan təlim və kommunikasiya sistemi, BŞH ilə marşallar arasında mövcud əlaqələr idmanın bu növünə marağı daha da artırır. Bu sahədə atdığımız uğurlu addımlar nəticəsində marşal kimi fəaliyyət göstərmək istəyənlərin sayı ildən-ilə artır. Ötən il 1603 müraciət olmuşdusa, bu il bu rəqəm 2445 olub. Bu artım bizi sevindirir.

Qeyd edək ki, Formula 1 Azərbaycan Qran-Prisi aprelin 26-28-də Bakıda keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.