ELM VƏ TƏHSİL
Buraxılış siniflərində (IX və XI siniflərdə) təhsil alan şagirdlər buraxılış imtahanları verirlər
Bakı, 17 iyun, AZƏRTAC
İyunun 17-də Dövlət İmtahan Mərkəzi (DİM) Bakı, Sumqayıt şəhərlərində, Abşeron rayonunda və Naxçıvan Muxtar Respublikasında yerləşən orta ümumtəhsil müəssisələrinin buraxılış siniflərində təhsil alan (IX və XI siniflərdə) şagirdlər üçün mərkəzləşdirilmiş qaydada buraxılış imtahanları keçirir.
Bu gün ümumilikdə 76 min 636 şagirdin imtahan verəcəyi nəzərdə tutulur (IX sinif üzrə 43 min 781, XI sinif üzrə 32 min 855).
Doqquzuncu sinif şagirdləri üçün imtahan saat 10.00-da başlanıb. On birinci sinif şagirdləri üçün imtahan saat 15.00-da başlanacaq.
İmtahanların idarə olunmasına ümumilikdə 264 imtahan rəhbəri, 3 min 356 nəzarətçi-müəllim ayrılıb.