REGİONLAR


Ceyranbatan qəsəbəsində nümunəvi məhəllə yaradılıb

Ceyranbatan, 7 dekabr, Ətrabə Rzayeva, AZƏRTAC

Abşeron rayonunun Ceyranbatan qəsəbəsində nümunəvi məhəllə yaradılıb. Qəsəbədə aparılan işlərlə yerində tanış olmaq məqsədilə rayon icra hakimiyyətinin başçısı İradə Gülməmmədova məhəlləyə gələrək sakinlərlə görüşüb.

AZƏRTAC xəbər verir ki, binaların həyətinin abadlaşdırılması, nümunəvi məhəllələrin salınması sakinlərin böyük sevincinə səbəb olub. İllərlə baxımsız vəziyyətdə qalan ərazinin abadlaşması, ətrafda səliqə-sahmanın yaradılması, binaların dam örtüyünün və fasadının yenilənməsi sakinlər tərəfindən müsbət qarşılanıb.

Qeyd edilib ki, özbaşına zəbt edilmiş ərazilərdə müxtəlif təyinatlı qanunsuz tikililər sökülüb, ətraf hasar və çəpərlərdən azad edilib, təmizlik işləri aparılıb, qurumuş və küləkli havalarda təhlükə yarada bilən ağaclar budanıb.

Rayon icra hakimiyyətinin başçısı İradə Gülməmmədova sakinlərlə görüşdə son illərdə Abşeronda aparılan abadlıq-quruculuq işlərindən danışıb.

Sakinlər nümunəvi məhəllənin yaradılmasına görə minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.