QAN YADDAŞI


Diaspor könüllüləri xarici deputatlara Xocalı soyqırımı ilə bağlı müraciət ünvanlayıb

Bakı, 26 fevral, AZƏRTAC

Bu gün diaspor könüllülərinin təşəbbüsü ilə Xocalı soyqırımının 28-ci ildönümünə həsr olunmuş xüsusi aksiya keçirilib.

Diasporla İş üzrə Dövlət Komitəsindən AZƏRTAC-a bildiriblər ki, aksiya çərçivəsində, əksəriyyəti qaçqın və məcburi köçkün gənclərdən ibarət olan 100-lərlə diaspor könüllüsü Xocalı soyqırımının beynəlxalq miqyasda tanınması və bu faciəyə ədalətli siyasi-hüquqi qiymətin verilməsi üçün müxtəlif ölkələrin parlamentarilərinə kütləvi müraciətlər ünvanlayıb.

ABŞ, Almaniya, Fransa, İtaliya, İsveç, Norveç, Macarıstan, Türkiyə, Rusiya da daxil olmaqla, ümumilikdə 50-dən çox ölkənin millət vəkillərinə göndərilən müraciətlərə “Xocalıya ədalət!” kampaniyasına dair petisiyanın mətni də əlavə olunub.

İştirakçılar aksiya zamanı paralel olaraq internet üzərindən “Xocalıya ədalət!” beynəlxalq kampaniyasına da dəstək veriblər.

Diasporla İş üzrə Dövlət Komitəsində toplaşan könüllülər öz şəxsi elektron poçt ünvanlarından müxtəlif ölkələri təmsil edən 10 mindən çox deputatın elektron poçt ünvanlarına müraciətlər göndəriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.