Dilçilik İnstitutunun elmi işçiləri attestasiyadan keçiblər

Bakı, 6 may, AZƏRTAC

AMEA-nın Nəsimi adına Dilçilik İnstitutunda Nazirlər Kabinetinin müvafiq qərarına uyğun olaraq elmi işçilərin attestasiyası keçirilib.

İnstitutdan AZƏRTAC-a bildirilib ki, bu məsələ əvvəlcə Elmi şurada müzakirə edilib, işçilərin siyahısı, müvafiq sənədlər, eləcə də attestasiyanın keçirilmə vaxtı tərtib olunub.

Attestasiya zamanı elmi işçilərin hər birinin son 5 ildə (2017-2022-ci illər) fəaliyyəti nəzərdən keçirilib, onların müvafiq şöbələrdə yerinə yetirilən elmi işlərdə iştirakları, üstünlükləri, tutduqları vəzifəyə uyğun gəlib-gəlmədikləri müəyyənləşdirilib. Hər bir elmi işçinin gələcək fəaliyyətinə dair tövsiyələr verilib.

Qeyd edək ki, bir ay ərzində institutun 94 elmi işçisi attestasiyadan keçirilib, 15 nəfər vəzifədə irəli çəkilib.