ELM VƏ TƏHSİL


Direktorların işə qəbulu üzrə müsahibə mərhələsi davam edir

Bakı, 18 sentyabr, AZƏRTAC

Dövlət ümumi təhsil müəssisələrinə direktor vəzifəsinə işə qəbul üzrə müsabiqənin növbəti rayonlardan olan namizədlər üçün müsahibə mərhələsinə başlanılıb.

Təhsil Nazirliyindən AZƏRTAC-a bildiriblər ki, bu mərhələdə Sabirabad, Masallı, Qobustan, Göyçay, Şəki və İsmayıllı rayonları üzrə direktorların işə qəbulu müsabiqəsinin test imtahanı mərhələsində müvafiq keçid balını toplamış 85 namizədin iştirakı nəzərdə tutulur.

Qeyd edilən rayonlar üzrə müsahibələr sentyabrın 21-dək davam edəcək.

Müsahibənin nəticələri və növbəti müsahibələrin keçiriləcəyi tarixlər barədə namizədlərə məlumat veriləcək.

Qeyd edək ki, iyulun 13-dən 19-dək dövlət ümumi təhsil müəssisələrinə direktor vəzifəsinə işə qəbul üzrə müsabiqəyə elektron sənəd qəbulu aparılıb. 3 min 403 namizəd elektron qeydiyyatdan keçib. Onlardan 2 min 273 nəfərin elektron ərizəsi təsdiqlənib. Direktorların işə qəbulu müsabiqəsinin avqustun 2-də keçirilmiş test imtahanı mərhələsində 1643 nəfər iştirak edib.

Avqustun 21-dən 23-dək Ağdam, Ağdaş, Gədəbəy, Goranboy, Laçın və Lerik rayonları üzrə, avqustun 28-dən 30-dək Cəlilabad, Quba, Şamaxı, Lənkəran və İmişli rayonları üzrə direktorların işə qəbulu müsabiqəsinin müsahibə mərhələsi keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.