DÜNYA


Erməni sahibkarlar Gürcüstanla sərhəd yolunu bağlayıblar

Bakı, 28 noyabr, AZƏRTAC

Ermənistanda sükanı sağda olan minik avtomobillərinin 50 idxalçısı Gürcüstanla sərhəddə yerləşən “Baqrataşen” sərhəd-keçid məntəqəsinə gedən yolu bağlayıb.

AZƏRTAC Ermənistan KİV-lərinə istinadla xəbər verir ki, Alaverdi-Noembryan avtomobil yolunu bağlayan etirazçılar bu ölkəyə sükanı sağda olan avtomobillərin idxalının qadağan edilməsi barədə qərarın ləğv olunmasını tələb edirlər. Bu məqsədlə sahibkarlar baş nazir səlahiyyətlərini icra edən Nikol Paşinyanla görüşmək istədiklərini bildiriblər.

Sükanı sağda yerləşən avtomobillərin Ermənistana idxalı cari il aprelin 1-dən qadağan olunub. Hazırda Gürcüstan-Ermənistan sərhədində 200, gürcü şəhərlərində isə erməni sahibkarlar tərəfindən satın alınmış 2500 bu cür avtomobil var. Bu avtomobillər Yaponiyadan gətirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.