Azərbaycan Prezidentinin 2005-ci il 10 oktyabr tarixli Sərəncamı ilə təsdiq edilmiş “Azərbaycan Respublikasında 2005-2015-ci illərdə futbolun inkişafına dair Dövlət Proqramı”na uyğun olaraq, Göyçayda mini futbol meydançası istifadəyə verilmişdir.

Rayon gənclər və idman idarəsindən AZƏRTAC-ın müxbirinə bildirmişlər ki, futbolun inkişafında böyük rol oynayacaq bu idman obyektində məşqlərin aparılması və yarışların keçirilməsi üçün hər cür şərait yaradılmışdır. Yeni idman meydançası AFFA tərəfindən tikilib və bütün lazımi avadanlıqla təchiz edilmişdir.