İDMAN


GÜLƏŞ ÜZRƏ ÖLKƏ ÇEMPİONATI KEÇİRİLƏCƏKDİR

Azərbaycan Güləş Federasiyasının baş katibi Mətləb Abdullayev AZƏRTAC-a bildirmişdir ki, Bakı Olimpiya İdman Kompleksində yanvarın 13-14-də sərbəst güləş, 15-16-da isə yunan-Roma güləşi üzrə ölkə çempionatı keçiriləcəkdir.

Ölkəmizin müxtəlif regionlarından ümumilikdə 250-yə yaxın pəhləvanın 8 çəki dərəcəsində mübarizə aparacağı yarışları milli yığma komandaların baş məşqçiləri Aslan Ağayev (sərbəst güləş) və Elçin Cəfərov (yunan-Roma güləşi) idarə edəcəklər. Məqsəd ən güclüləri obyektiv şəkildə aşkarlamaq və gələcəkdə milli yığma komandaların heyətinə cəlb edərək, beynəlxalq idman tədbirlərinə hazırlamaqdır.

Yarışda tanınmış pəhləvanlarımız - sərbəst güləş üzrə dünya kubokunun sahibi, Olimpiya çempionu Namiq Abdullayev (55 kq), dünya kubokunun sahibi Elşad Allahverdiyev (74 kq) və Avropa çempionatının gümüş mükafatçısı Elman Əsgərov (66 kq), yunan-Roma güləşi üzrə olimpiya çempionu Fərid Mansurov (66 kq), Avropa çempionu Vitali Rəhimov (60 kq) da iştirak edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.