DÜNYA


Gürcüstan Türkiyədən NATO standartlarına uyğun yeni zirehli transportyorlar alacaq

Tbilisi, 7 oktyabr, AZƏRTAC

Türkiyə Gürcüstana NATO standartlarına uyğun yeni zirehli transportyorlar verəcək.

AZƏRTAC xəbər verir ki, bu barədə Gürcüstanın Müdafiə Nazirliyi məlumat yayıb.

Bildirilib ki, Türkiyə Müdafiə Nazirliyinin tabeliyində fəaliyyət göstərən “ASFAT” şirkəti ilə imzalanmış müqaviləyə əsasən, Gürcüstanın Müdafiə Qüvvələrinə NATO standartlarına uyğun yeni zirehli transportyorlar çatdırılacaq.

Gürcüstana veriləcək zirehli transportyorlar öz avadanlığı və alt sistemləri ilə NATO standartlarına uyğun olacaq.

Gürcüstan müdafiə qüvvələrinin sözügedən zirehli transportyorlarla təchiz edilməsi Gürcüstanın müdafiə qabiliyyətinin güclənməsinə, həmçinin Türkiyə ilə Gürcüstan arasında əməkdaşlığın dərinləşməsinə mühüm töhfə verəcək.

Qeyd edək ki, 2019-cu ildə Türkiyə və Gürcüstan hökumətləri hərbi-maliyyə sahəsində əməkdaşlığa dair müqavilə imzalayıblar. Sənəddə Gürcüstan Müdafiə Nazirliyinə 5 il müddətinə 100 milyon lari həcmində qrant ayrılması nəzərdə tutulub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.