CƏMİYYƏT


Gürcüstanın Marneuli rayonunda yeni məktəblər inşa olunacaq

Tbilisi, 15 mart, AZƏRTAC

Gürcüstanın azərbaycanlıların yığcam yaşadıqları Marneuli rayonunda 19 ictimai məktəb əsaslı təmir ediləcək, daha 8 kənddə yeni məktəb inşa olunacaq.

AZƏRTAC xəbər verir ki, bu barədə Marneuli rayon meriyasından məlumat verilib.

Məlumatda bildirilir ki, məktəblərin bərpa və təmiri, eləcə də yeni məktəblərin tikintisi üçün büdcədən 1 milyon 820 min lari vəsait ayrılıb.

Təmir-bərpa işlərinin müəyyən hissəsi “kəndə dəstək proqramı” çərçivəsində maliyyələşəcək.

Məktəblərdə həyata keçiriləcək əsas təmir işləri çərçivəsində tədris ocaqlarının dam örtüyü, qapı-pəncərələri dəyişdiriləcək, döşəmələr yenilənəcək, yeni istilik sistemi və sanitar qovşaqlar quraşdırılacaq.

Yeni məktəblər Marneulinin Tsopi, Şulaver, Qızılhacılı, Qasımlı, Kirovka, Xuldərə, Candar, Sabirkənd kəndlərində inşa olunacaq.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.