DÜNYA


İsveçrə Mərkəzi Bankı frankın dəyərinin artmasından narahatdır

Bern, 17 avqust, AZƏRTAC

Son günlərdə İsveçrə frankının məzənnəsinin avro və digər valyutalara nisbətdə güclənməsi valyuta bazarlarında vəziyyətin həssas olaraq qaldığını göstərir və Milli Bank frankın məzənnəsinin aşağı salınması istiqamətində potensial addımları nəzərdən keçirir. Həmçinin digər valyutalara etimadını itirən sərmayəçilərin kütləvi şəkildə İsveçrə frankı alması ehtimalı da gündəmdədir.

AZƏRTAC xəbər verir ki, İsveçrə Milli Bankının Direktorlar Şurasının üzvü Frits Tsurbrüqq bu barədə mətbuata verdiyi açıqlamada bildirib.

Bankir deyib ki, İsveçrə Milli Bankı ölkənin ixracata meyilli iqtisadiyyatına dəstək olmaq üçün frankın məzənnəsinin mümkün qədər aşağı səviyyədə qalmasında maraqlıdır. Son günlərdə maliyyə bazarlarında qeyri-sabitlik nəticəsində İsveçrə frankı son bir ildə avroya nisbətdə ən yüksək dəyərinə (1 avro=1,12 frank) çatması da ölkənin məhsul ixracatı üçün təhlükə hesab edilir.

F. Tsurbrüqq qeyd edib ki, maliyyə bazarlarında vəziyyət bu cür davam edərsə, İsveçrə Milli Bankı frankın məzənnəsinin süni şəkildə aşağı salınması üçün tədbirlər görməli olacaq.

 

Elgün Niftəli

AZƏRTAC-ın xüsusi müxbiri

Bern

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.