SİYASƏT


İtaliya Deputatlar Palatasının vitse-spikeri: Azərbaycan İtaliya üçün çox güclü biznes tərəfdaşına çevrilib

Roma, 11 may, AZƏRTAC

Azərbaycan İtaliya üçün yalnız enerji resursları baxımından etibarlı təchizatçı deyil, eləcə də çox güclü biznes tərəfdaşına çevrilib.

Bu sözləri AZƏRTAC-a müsahibəsində İtaliya Deputatlar Palatasının vitse-spikeri Ettore Rosato deyib.

“Azərbaycan İtaliya üçün həm siyasi, həm də iqtisadi baxımdan mühüm tərəfdaş ölkədir. 2018-ci ildə İtaliya Prezidenti Sercio Mattarellanın Azərbaycana dövlət səfəri ikitərəfli əlaqələrin inkişafında xüsusi rola oynayıb. Azərbaycan ilə İtaliyanın möhkəm siyasi və iqtisadi tərəfdaşlığı diplomatik əlaqələrin qurulmasının 30 illiyində yeni müstəviyə keçib. Çünki hazırda hər iki ölkənin münasibətləri daha da güclənir. Azərbaycan İtaliya üçün yalnız enerji resursları baxımından etibarlı təchizatçı deyil, eləcə də çox güclü biznes tərəfdaşına çevrilib. Azərbaycan İtaliyanın birinci neft təchizatçısıdır. Hazırda TAP boru kəməri sayəsində təbii qaz tərəfdaşlığı daha da güclənir, tədarükün həcminin artırılması ideyası ortaya çıxıb. Azərbaycan fəaliyyət göstərən bir çox italyan müəssisəsi var. Bu da deməyə əsas verir ki, möhkəm qurulan əməkdaşlıq hazırda strateji tərəfdaşlıq səviyyəsinə yüksəlib”, - deyə İtaliya Deputatlar Palatasının vitse-spikeri qeyd edib.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.