DÜNYA


Kanye Uest tam vaksinasiya olunmadan Avstraliyaya buraxılmayacaq

Bakı, 29 yanvar, AZƏRTAC

Avstraliyanın Baş naziri Skott Morrison məşhur amerikalı müğənni Kanye Uesti ölkəyə qastrol səfərindən öncə COVID-19 infeksiyası əleyhinə tam vaksinasiya kursu keçməyin vacibliyi barədə xəbərdar edib.

AZƏRTAC “The Guardian” qəzetinə istinadla xəbər verir ki, Skott Morrisonun xəbərdarlığı Avstraliya hökumətinin vaksinasiya olunmayan serb tennisçisi Novak Cokoviçə “Australia Open” turnirində iştirakına icazə verməyərək onu ölkədən deportasiya etməsindən iki həftə sonra səslənib.

Qeyd edək ki, bir müddət öncə Kanye Uestin mart ayında Avstraliya stadionlarında bir neçə konsert verəcəyi ilə bağlı məlumat yayılmışdı. Müğənninin agentləri Avstraliyanın hökumət başçısının sözlərinə hələlik münasibət bildirməyib. Kanye Uestin vaksinasiya statusu da hələlik məlum deyil.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.