ELM VƏ TƏHSİL


Kimsəsiz uşaqların peşə təhsilinə yönləndirilməsi ilə bağlı tədbirlər görüləcək

Bakı, 28 noyabr, AZƏRTAC

2021–2025-ci illərdə baxımsız və kimsəsiz uşaqların sosial reabilitasiyası, xüsusilə onların peşə təhsilinə yönləndirilməsi ilə bağlı tədbirlər görüləcək.

AZƏRTAC xəbər verir ki, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş “Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı”nda əks olunub.

İşin icrası Əmək və Əhalinin Sosial Müdafiəsi Nazirliyi, Təhsil Nazirliyi və yerli icra hakimiyyəti orqanlarına tapşırılıb.

Fəaliyyət Planında, həmçinin təhsil müəssisələrində psixoloji xidmətin, eləcə də peşəyönümlü məsləhətlər xidmətinin təkmilləşdirilməsi və təşviqi nəzərdə tutulur. Bu tədbirləri isə Təhsil Nazirliyi Əmək və Əhalinin Sosial Müdafiəsi Nazirliyi ilə birgə həyata keçirəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.