DÜNYA


Londonda mitinq iştirakçıları qatarın üzərinə çıxaraq nəqliyyatın hərəkətinə mane olublar

London, 17 aprel, AZƏRTAC

Londonda iqlim dəyişikliyi ilə əlaqədar keçirilən mitinqin 3-cü günündə etirazçılardan bir neçəsi metroda qatarın üzərinə çıxaraq nümayişi orada davam etdirib. Onlar qatarın hərəkətinə mane olublar.

AZƏRTAC xəbər verir ki, Londonun maliyyə bölgələrindən biri olan Kanari Varf stansiyasında nümayişçilər qatarın üzərinə çıxaraq “Fövqəladə İqlim” başlıqlı plakat açıblar. Polisin hadisəyə müdaxiləsi nəticəsində qatarın hərəkəti bərpa edilib, nümayişçilər isə həbs olunublar.

Qeyd edək ki, mitinq Londonun bir neçə bölgəsində ictimai nəqliyyatın hərəkətinə mane olub və buna görə 300 nəfərdən çox insan həbs edilib.

 

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.