REGİONLAR


Masallıda keçirilən xeyriyyə aksiyasına YAP rayon təşkilatının qadınlar şurasının üzvləri də qoşulublar

Masallı, 8 aprel, Bağır Əliyev, AZƏRTAC

Masallı rayonunda yeni növ koronavirusla (COVID-19) mübarizə məqsədilə ölkəmizdə tətbiq olunan xüsusi karantin rejiminin qaydalarına müvafiq olaraq yaşı 65-dən yuxarı insanlar və imkansız ailələr üçün keçirilən xeyriyyə aksiyası geniş vüsət alıb.

AZƏRTAC-ın bölgə müxbiri xəbər verir ki, Yeni Azərbaycan Partiyası Masallı rayon təşkilatı Qadınlar Şurasının sədri Gülşən Xəlilovanın təşəbbüsü ilə bütün Şura üzvləri aksiyaya qoşularaq yaşı 65-dən yuxarı olan və tənha yaşayan insanlara, aztəminatlı ailələrə ərzaq bağlamaları paylayıblar.

Aksiyadan yararlanan insanlar bu çətin günlərdə onların qayğısına qalan dövlətimizin başçısına minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.