ELM VƏ TƏHSİL
Mərkəzi Elmi Kitabxananın əməkdaşlarına kitabxana idarəetmə sisteminə edilən dəyişikliklərlə bağlı təlim keçirilib
Bakı, 21 avqust, AZƏRTAC
Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) əməkdaşlarına növbəti təlim keçirilib.
MEK-dən AZƏRTAC-a bildiriblər ki, kitabxananın informasiya texnologiyalarının hazırlanması və tətbiqi şöbəsinin proqramçılar bölməsinin rəhbəri Nərmin Xasaylı tərəfindən keçirilən təlimin məqsədi avtomatlaşdırılmış kitabxana idarəetmə sisteminin komplektləşdirmə və kataloqlaşdırma modullarında edilən yeniliklərin işçilərə çatdırılması olub.
Təlim zamanı kitabxananın elektron kataloqunun formalaşdırılması istiqamətində əhəmiyyətli tövsiyələr verilib, əməkdaşların təklif və iradları dinlənilib, mühüm qərarlar qəbul edilib.