İDMAN


“Milan” klubu “Flamenqo”nun futbolçusu ilə müqavilə imzalayıb

Bakı, 7 yanvar, AZƏRTAC

İtaliyanın “Milan” klubu Braziliyanın “Flamenqo” komandasının gənc ulduzu Lukas Paketanı heyətinə qatıb.

AZƏRTAC klubun rəsmi saytına istinadla xəbər verir ki, braziliyalı futbolçu ilə dördillik müqavilə imzalanıb. “Rossoneri”lərə bu transfer 35 milyon avroya başa gəlib.

Lukas “Flamenqo”nun heyətində 65 oyunda iştirak edib, onların 13-də fərqlənməyi bacarıb.

“Milan” böyük və zəngin tarixə malik bir klubdur. Bu ailəyə qatılmaq mənim üçün çox qürurvericidir. Uşaqlıqdan Kakaya (“Milan”ın sabiq oyunçusu) böyük rəğbət bəsləmişəm. Düşünürəm onun kimi kluba faydalı olacağam. “Milan”ın heyətində ilk dəfə meydana çıxacağım günü səbirsizliklə gözləyirəm”, - deyə Lukas Paketa vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.