DÜNYA


Mövlud Çavuşoğlu: Fransa və İtaliya “SAMP-T” müdafiə sisteminin Türkiyədə istehsalını daha ciddi düşünürlər

Mövlud Çavuşoğlu: Fransa və İtaliya “SAMP-T” müdafiə sisteminin Türkiyədə istehsalını daha ciddi düşünürlər

Ankara, 26 mart, AZƏRTAC

Fransa və İtaliya ortaq təsisatları olan “Eurosam” (Avropa müdafiə) Konsorsiumu çərçivəsində “SAMP-T” raket əleyhinə müdafiə sisteminin Türkiyədə istehsalını daha ciddi düşünürlər.

AZƏRTAC xəbər verir ki, bu fikri Türkiyənin xarici işlər naziri Mövlud Çavuşoğlu Qətərin paytaxtında keçirilən Doha Forumu çərçivəsində paneldəki çıxışında ifadə edib. Nazir bildirib ki, “SAMP-T” məsələsi Türkiyə Prezidenti Rəcəb Tayyib Ərdoğanın İtaliya və Fransa liderləri ilə Brüsseldə keçirdiyi görüşlərdə müzakirə mövzusu olub.

Gündəlikdə duran digər mühüm məsələlərə aydınlıq gətirən nazir Mövlud Çavuşoğlu Türkiyənin Rusiyadan aldığı “S-400” raket əleyhinə müdafiə sistemlərinin guya Ukraynaya verilməsi barədə təkliflərin edilməsinə dair məlumatları şərh edərək bildirib ki, belə bir mövzu müzakirə obyekti deyil.

Nazir vurğulayıb ki, Türkiyə hazırda müdafiə sənayesi ehtiyacının 70 faizini öz imkanları ilə istehsal edir.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.