DÜNYA


Nepalda pələnglərin populyasiyası son 13 ildə üç dəfə artıb

Bakı, 29 iyul, AZƏRTAC

Nepal pələnginin populyasiyası 2009-cu ildən bəri 121 başdan 355 başa qədər artıb və artıq onların yoxolma təhlükəsi aradan qalxıb.

AZƏRTAC BBC telekanalına istinadla xəbər verir ki, bu istiqamətdə həlledici amil brakonyerliyə qarşı uğurlu mübarizə olub. Hazırda Nepalda yırtıcıların təhlükəsizliyini hərbçilər qoruyur. Lakin pələnglərin populyasiyasının artması yerli sakinlər üçün əlavə təhlükə yaradır. Təkcə son bir ildə 16 nepallı pələng hücumlarının qurbanı olub.

Beynəlxalq Təbiəti Mühafizə İttifaqının məlumatına görə, dünyada cəmi 6 mindən də az pələng qalıb. 2010-cu ildə 13 ölkə 2022-ci ilə qədər bu yırtıcıların populyasiyasını iki dəfə artırmaq barədə razılığa gəlib, lakin indiyədək buna yalnız Nepal nail olub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.