REGİONLAR


Nizami Gəncəvi irsi bəşəriyyətə əvəzsiz töhfədir

Zaqatala, 19 aprel, Mustafa Dadaşov, AZƏRTAC

Dahi Azərbaycan şairi və mütəfəkkiri Nizami Gəncəvinin parlaq irsi əsrlərdən bəri Şərqin misilsiz mədəni sərvətlər xəzinəsində öz layiqli yerini qoruyub saxlamaqdadır.

AZƏRTAC-ın bölgə müxbiri xəbər verir ki, bu fikir Zaqatala rayon Mərkəzi Kitabxananın təşkilatçılığı ilə dahi şair Nizami Gəncəvinin 880 illik yubileyi münasibətilə keçirilən “Nizami Gəncəvi irsi bəşəriyyətə əvəzsiz töhfədir” mövzusunda dəyirmi masada səsləndirilib.

Xüsusi karantin rejiminin tələblərinə əməl olunmaqla təşkil edilən tədbirdə rayon Mərkəzi Kitabxananın bölmə müdiri Məmləkət Ömərova “Nizami Gəncəvi İli” dahi şairin bəşəriyyətə verdiyi əvəzsiz töhfələrə yenidən baxış ili kimi yadda qalacaq” mövzusunda məruzə ilə çıxış edib. Məruzədə dahi şairin həyat və yaradıcılığından ətraflı söz açılıb.

Tədbirdə, həmçinin “Tarixdə iz qoyanlar”, “Sönməz günəşin hikmət dəryası – Nizami Gəncəvi” və digər mövzularda məruzələr dinlənilib, çıxışlar olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.