DÜNYA


Osaka şəhərindəki yanğını söndürməyə təqribən 60 yanğınsöndürən maşın və helikopter cəlb olunub

Tokio, 29 noyabr, AZƏRTAC

Noyabrın 29-da Yaponiyanın Osaka şəhərində yerləşən anbarda baş verən yanğını söndürməyə təqribən 60 yanğınsöndürən maşın və bir helikopter cəlb olunub.

AZƏRTAC Yaponiya KİV-inə istinadla xəbər verir ki, altı mərtəbəli anbarda baş verən yanğın təqribən 10 min kvadratmetr ərazini əhatə edib.

Yanğın zamanı binada təqribən 100 nəfərin olduğu və onların hamısının sağ-salamat təxliyə edildiyi qeyd olunur.

Hazırda polisin anbar ərazisində bu binadan istifadə edən şirkətlərin nümayəndələrinin olmasını araşdırdığı bildirilir. Yanğının isə anbar ərazisindəki boş karton qutulardan başladığı qeyd edilir.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.