ELM VƏ TƏHSİL


Oxucular Mərkəzi Elmi Kitabxanada yeni kitablar ilə tanış ola bilər

Bakı, 8 noyabr, AZƏRTAC 

Azərbaycan Milli Elmlər Akademiyasının (AMEA) Mərkəzi Elmi Kitabxanasına (MEK) “Qafqaz İslam Ordusunun Azərbaycanda izləri” və “Keçə sənəti. Ənənələr və yeniliklər” kitabları daxil olub.

MEK-dən AZƏRTAC-a bildiriblər ki, Nəsiman Yaqublunun “Qafqaz İslam Ordusunun Azərbaycanda izləri” tarixi fotokitabı 1918-ci ildə Azərbaycana xilaskar qüvvə kimi gəlib Vətənimizi bolşevik-daşnak qüvvələrindən azad etmiş Qafqaz İslam Ordusuna və onun komandanı Nuru Paşanın fədakarlığına həsr edilib. Kitabda Qafqaz İslam Ordusunun və Nuru Paşanın Azərbaycanda bu gün də qorunub saxlanılan izləri ilə bağlı maraqlı məlumatlar verilib.

Marie Nagi və Vidak İştvanın macar dilində olan “Keçə sənəti. Ənənələr və yeniliklər” kitabında tanınmış rəssamların dünya keçə sənətinin tarixi və inkişafı ilə bağlı məqalələri toplanıb. Avropada keçə sənətinə olan marağın canlanması macar sənətçisi Vidak İştvan və etnoqraf, tekstil mütəxəssisi Marie Nagi adları ilə əlaqələndirilir. 2005-ci ildə Almaniyada onların birbaşa iştirakı ilə Beynəlxalq Keçə Akademiyası yaradılıb və bir il sonra Hollandiyada onun filialı açılıb.

Qeyd edək ki, kitab MEK-in Diplomatik fondunda yerləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.