DÜNYA


Pentaqon: Rusiyanın nüvə silahından istifadə etməyə hazır olduğuna dair heç bir məlumat yoxdur

Pentaqon: Rusiyanın nüvə silahından istifadə etməyə hazır olduğuna dair heç bir məlumat yoxdur

Bakı, 26 mart, AZƏRTAC

ABŞ administrasiyasında Rusiyanın nüvə silahından istifadə etmək niyyətini göstərən hər hansı kəşfiyyat məlumatı yoxdur. Buna görə də nüvə qüvvələrinin yerləşdirilməsinə düzəliş etmək üçün heç bir səbəb görmür.

AZƏRTAC xəbər verir ki, bunu Pentaqonun mətbuat xidməti Moskvanın Minskin tələbi ilə öz taktiki nüvə silahlarını Belarusda yerləşdirmək qərarını şərh edərkən bildirib.

“Biz Rusiyanın bu açıqlaması ilə bağlı xəbərləri görmüşük və vəziyyəti izləməyə davam edəcəyik. Bizim öz nüvə qüvvələrimizin yerləşdirilməsini tənzimləmək üçün səbəb yoxdur və Rusiyanın nüvə silahından istifadə etməyə hazır olduğuna dair heç bir əlamət görmürük. Biz NATO alyansı altında kollektiv müdafiəyə sadiq qalırıq”, - deyə vurğulanıb.

Qeyd edək ki, Rusiya Prezidenti Vladimir Putin ötən gün “Rossiya-24” telekanalına müsahibəsində Belarus Prezidenti Aleksandr Lukaşenkonun Rusiyadan ölkəsində taktiki nüvə silahı yerləşdirməyi xahiş etdiyini bildirib. Rusiya lideri iyulun 1-də Belarusda taktiki nüvə silahı üçün anbarın tikintisinin başa çatacağını, nüvə başlığı daşıyan “İsgəndər” raket sistemlərinin isə artıq Belarusa verildiyini diqqətə çatdırıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.